Roggelaand

Wiej ziet noew weer de rogge stoan
Woar wiej as wichter deur bint goan
Den rogge golven in de wind
Det was verleidelijk veur een kind.

In,t veurjoar wun het laand bewarkt
De boer gun kiekn uut de kark
Hoe of de rogge steu opt laand 
Dan kuijern laangs zien roggelaand.

As de rogge geriept was deur de zun
Dan was de oogst tied weer begun
Men deed toew alles met de haand
De schoofm diej riegn zich op het laand.

En doarnoa kwam het op düssen an
Det deen ziej neet meer met de wan
De düsmölle deu het groan toew schun
Veurn boer was toew wat rust begun.