Aaltied in beweging

Rieka  vun zich zulf te dikke
Doarum dee ziej an de lijn
Neet te vulle eerpels etten
Zoonder vet ziej vunt neet fijn.

Minder etten hulp heur ok neet
De kilo,s raakn ziej neet kwiet
Dietiste zeij iej mut meer goan beweggen
Want honger liedn woal Rieka niet.

Heur vriendin den dee Nordic Walking
En det leek Rieka ok we wat
Doarum kochen ziej ok van die stükke
En zo gung ziej dan op pad.

Rieka leup noew alle aomde
En zee vuuln heur spiern a wel
Ma Rieka bleef vedan beweggen
En ziej zat weer strak in,t vel.

De vrouwluu biej heur uut de buurte
Keek jeloers as ziej waandeln gung
Ziej woaln ok we net as Rieka
Ok zo strak wen en zo dun.

Ma opn dag toew vreug de buurvrouw
Rieka wol iej oons det ok neet leern
Wiej wilt geerne wat kilo,s kwiet wun
Doet wiej Nordick Walking met oons veern.

Noew ziej in,t dorp veer vrouwluu loopm
Achter mekaer loops ziej in de riej
En doar goat noew veer slanke dennen
En Rieka heurt ter noew helemoal biej.